An Giblean | April 2025

Dh’ionnsaich na sgoilearan againn mar a dhèanadh iad fighe còmhla ri Flòraidh Forrest agus Màiri tron phròiseact Beairteas aig Fèisean nan Gàidheal agus Tobair an Dualchais. Tapadh leibh gu dearbh!

Am Màrt | March 2025

Tha C4 ag ionnsachadh mu dheidhinn nan Lochlannach. Rinn sinn bràistean Lochlannach agus taighean-fada. Abair spòrs a bh’ againn! 

Abair spòrs a bh’ aig Clas 7 aig fèis ball-basgaid san Àrd-sgoil an-diugh. ’S iad a bha modhail agus dòigheil! Mìle taing Sarah Ross aig Highlife Highland airson seo a chur air dòigh. 🏀

Spring Clean na h-Alba 2025

Choimhead C7 air coimhearsnachd na sgoile agus mhothaich sinn gun robh Loch a’ Mhuilinn feumach air beagan sgioblachadh is chaidh iad ann a thogail sgudail. Chaidh C5 timcheall a' bhaile cuideachd is chaidh aca air 6 pocannan sgudail a lìonadh! 'S math a rinn iad uile! 🌟

Ghabh C1/2 an cothrom matamataig a dhèanamh taobh a-muigh sa raon-chluiche fhad 's a bha a' ghrian a' deàrrsadh ☀️

Dh’fhàg sinn soraidh slàn le Roxinne an-diugh is thug sinn taing mhòr dhìth airson a bhith cho còir is gasta fhad ’s a bha i còmhla rinn. Bidh sinn gad ionndrainn Roxinne. ❤️ 

Leis a' ghrian fhathast a' deàrrsadh is sìde àlainn againn, chuir C6 'mini-athletics' eile air dòigh do C2/3! 

Feasgar nam Pàrant

Bha e cho math a h-uile duine fhaicinn is chòrd e ris a' chloinn a bhith a' sealltainn an cuid obrach dhuibh! Mìle taing ❤️

Spòrs còmhla - Tha C6 air a bhith a' dèanamh Athletics is chuir iad air dòigh 'mini-athletics' do C1. Abair sìde a bh' againn! #càirdeas ☀️

Chaidh sinn a chèilidh air Tigh na Drochaid mar phàirt den phròiseact eadar-ghinealaich aca. Bha iad uile nan rionnagan a’ cluich uno, draughts is dominoes còmhla. Tha sinn cho moiteil às a’ chloinn is cho math ’s a bha iad. 🥰

Cha d’ fhuair Clas 1-2 fiù ’s cothrom anail a ghabhail gus an robh iad trang a-rithist le saidheans. Bha aca ri obair ann am buidhnean gus dèideag a dhealbhadh a ghabhadh a phutadh no a tharraing. An uair sin, sheall iad dha na caraidean aca mar a dh’obraich iad. 

📚 Latha Mòr nan Leabhraichean 2025 📚

Spòrs is sgeulachdan còmhla ri Gilleasbuig MacFhearghais. Abair madainn! Tha gaol againn uile air a bhith a' leughadh còmhla. 

🥞 Latha nam Foileagan 🥞

Bha spòrs aig C1 is C1/2 is iad ag ionnsachadh mar a nì iad foileagan. Nach iad a bha cruthachail agus feumaidh 's gun robh iad blasta oir cha robh càil air fhàgail ach na truinnsearan! 

An Gearran | February 2025

Tapadh leibh dha Portree Active Schools, pàrantan is coidsichean airson deagh latha aig an iomain ann am Port Rìgh an-diugh. Bha e cho math an uiread de chluicheadairean òga fhaicinn. Mealaibh ur naidheachd air ar sgiobaidhean! Tha sinn moiteil asaibh uile 🌟

Latha sònraichte is spòrs gu leòr aig an iomain ann am Port Rìgh an-diugh. Taing mhòr dha Portree Active Schools airson a’ cho-fharpais a chur air dòigh. Seall na h-aodannan toilichte seo! 🥇

Am Faoilleach | January 2025

🐉 Bliadhn' Ùr nan Sineach 🐉

Abair spòrs a bh' aig C1 is C1/2 an-diugh! Rinn an dà chlas Dannsa Dràgoin san talla, pheant iad masgaichean, bleugh iad an sgeulachd mun mhìosachan is dh'ionnsaich iad gur e seo Bliadhna nan Nathrach! 🐍 Dh'fheuch iad beagan sgrìobhadh Sineach is dumplagan le chopsticks. Latha trang a bh' aca! 

Chaidh clas 6 is 7 gu Tigh na Drochaid airson cluinntinn mun dàrna chogadh. Dh’ionnsaich sinn an t-uamhas! Taing dha Natasha Anderson is Graham Ross airson an cuireadh. 

Mòran taing dha Mairead NicNeacail is Roddy Beaton a thadhail oirnn madainn an-diugh mar phàirt den ionnsachadh Creideamh agus Eòlas Moraltachd againn. Chòrd e ri clas 6 is 7 gu mòr!

An Dùbhlachd | December 2024

Deireadh teirm cho snog, sìtheil is sinn san eaglais còmhla. Mìle taing dha Murchadh MacLeòid is an t-Urr. Sandor Fazakas, Eaglais Phort Rìgh is Stagecoach Highlands airson madainn cho sònraichte. Nollaig Chridheil dhuibh uile! 

 🍽️ Biadh Mòr na Nollaige 2024 🍽️

Taing mhòr dha Anne. Kathryn, Nicola agus Lara airson biadh blasta an-diugh agus fad na bliadhna!

Fèill Nollaig 24 🧑‍🎄

Tapadh leibh uile airson tadhal oirnn an-dè is taic a chur rinn. Tha sibh cho coibhneil! ♥️ #coimhearsnachd 

Cho moiteil às an dà sgioba againn! Fhuair iad le chèile dhan iar-chuairt dheireannach is bhuannaich sgioba Colm Cille! ✨ Taing mhòr dha na coidsichean is dha na pàrantan!   

Tha taigh-bìdh piotsa san oisean-cluiche againn an teirm seo. Is mar sin, fhuair C1 cothrom piotsa aca fhèin a dhèanamh an-diugh! Rinn iad cho math a’ taghadh na bha a’ dol air is cha mhòr nach do dh’fheuch a h-uile duine blas dheth! 

An t-Sàmhain | November 2024

 Cho moiteil às an dà sgioba againn agus mar a bha iad gan giùlan fhèin aig an iomain ann an Caol Àcainn a-nochd. Bhuannaich sgioba Colm Cille agus bu thoil leinn taing mhòr a thoirt dha na pàrantan, coidsichean is cluicheadairean air fad.   

Tha sinn air leth taingeil gu bheil Art Donald air a bhith a-staigh thairis air trì sheachdainean a' dèanamh dràma còmhla rinn. Taing mhòr Art, is do  Sgioba na Gàidhlig aig Comhairle na Gàidhealtachd.

Latha Nàiseanta Crolaidh - Co-fharpais

Mìle taing Sarah Ross is Portree Active Schools airson a' cho-fharpais chrolaidh a chur air dòigh dhuinn. Chòrd e ri ar clasaichean 4-7 gu mòr pàirt a ghabhail ann!

Clann ann an Èis 2024

Latha Pudsey ann am BSGPR. Spòrs, dannsa, dealbhan is sinn a' togail airgid airson Clann ann an Èis. 💛

Thadhail Clas 7 air Taigh na Drochaid an-diugh is iad a' comharrachadh a bhith fosgailte 30 bliadhna. Mealaibh ur naidheachd!

Latha air leth aig a' bhall-choise ann am Port Rìgh an-diugh. Taing mhòr do choidsichean is pàrantan! Is math a rinn gach sgioba! 

Spòrs gu leòr aig an iomain ann an Caol Àcainn a-nochd! Rinn an dà sgioba againn cho math is ràinig iad le chèile an iar-chuairt dheireannach. Meal a naidheachd air Lila a bhuannaich an duais airson a' chluicheadair as fheàrr! Tàing mhòr dha na pàrantan is na coidsichean. 

Abair spòrs a bh' againn aig 🎃 Pàrtaidh Oidhche Shamhna 🎃 an-dè le tòrr charactaran nam measg! Ceòl, cànan is càirdeas còmhla. ❤️

An Dàmhair | October 2024

Bha C6 anns an leabhar-lann an-diugh a' taghadh 's a' leughadh leabhraichean còmhla! 📚

Thug C4 sùil air dathan an fhoghair, is rinn sinn pìosan bàrdachd is ealain ceangailte ris an fhoghair. 🍂🍁

"Seòid" - Còmhla Cogadh nan Còmhlain BSGP aig Mòd an Òbain 2024. Cho moiteil às an ceathrar agaibh. Taing dha Kathlenn airson an obair a rinn i leotha 🥰

Thàinig an sgioba Climavore a-staigh a dhèanamh pròiseact le C7 air mar as urrainn dhaibh cunntas a thoirt air nithean ann an dòigh annasach is diofraichte, is pìosan bàrdachd is ealain a dhèanamh asta! Seo na rinn iad, nach eil iad cho ealanta? ✏️

Fhuair C4 burrasan aig toiseach na teirm, is tha iad a-nis air fàs is atharrachadh gu dealain-dè! Chuir sinn a-mach iad dhan raon-chluiche, seall cho brèagha is dathach 's a tha iad!

Bha latha air leth againn aig a' bhall-choise ann am Port Rìgh an-diugh! ⚽ Taing mhòr dha na coidsichean, pàrantan, agus dha na cluicheadairean fhèin. Tapadh leibh Skye and Lochalsh Junior Football Association!

Is math a rinn a h-uile sgoilear air C6 is iad ag ionnsachadh mu bhith sàbhailte air baidhsagal. Taing mhòr dha Miss NicLeòid is Mrs Tindall airson a bhith cho gasta! ✨

Tha C1 air "Am Burras Acrach" a leughadh. Choimhead sinn air a' bhiadh fallain a dh'ith am burras agus rinn sinn burras againn fhìn a-mach às! 🍓🍏🥕

Abair latha sònraichte aig an iomain an-diugh is sinn cho moiteil às an dà sgioba againn. Bhuannaich Ceann a' Ghiùthsaich tro pheanasan an aghaidh ar sgioba C6/7, agus sa chuairt dheireannach, bhuannaich Baile Ùr an t-Sleìbhe an aghaidh ar sgioba C4/5. Mòran taing do phàrantan is dha na coidsichean.

An t-Sultain | September 2024

Fhad ‘s a bha gathan na grèine ☀️ a’ dèanamh pàtrain sna speuran (mu dheireadh thall), thàinig Clas 1/2 a-mach chun raon-cluiche gus pàtrain eile a lorg. Dh’obraich iad còmhla gus pàtrain a lorg mun cuairt orra agus gan dealbhachadh. Bha iomadach dhiubh ann!

Rinn an dà sgioba iomain againn cho math air an t-seachdain seo!🏅 Mealaibh ur naidheachd air na sgiobaidhean againn a chluich ann an Ceann a' Ghiùthsaich - mòran taing do phàrantan is coidsichean. 

Tha a' ghrian a-mach mu dheireadh thall!  ☀️ Bidh na casan beagan sgìth a-nochd! 

Abair deagh latha airson C3 a choiseachd sìos gu leabharlann na coimhearsnachd. 📚

Spòrs le cuileanan 🐶

Thàinig Clas 7 a dhèanamh leughadh le Clas 1 an-diugh! Abair rionnagan 🌟

Abair seachdain trang a bh' aig Clas 1! Nach do rinn iad cho math air a' chiad seachdain? ✨